عندك هواية التصوير.. بتنشر صورك على «الفيس بوك» و«إنستجرام» وبتعجب أصحابك ، تعرف انك تقدر تشتغل «فريلانسر» في مجال التصوير الفوتوغرافي؟ وتبيع صورك المميزة على مواقع عالمية، وتستغل موهبتك في زيادة دخلك؟ متستغربش في كتييير من أنحاء العالم بيشتغلوا فريلانسر من خلال بيع الصور .
كل اللي عليك أنك تصورصور مميزة وتشترك في موقع مختص ببيع الصور وترفع عليه صورك، ودي بعض المواقع اللي تقدر تشتغل عليها في بيع صورك.
موقع ShutterStock
من المواقع العالمية المشهورة والموثوقة لعرض الصور، وأي عميل يقدر يعمل اشتراك شهري أو سنوي فيه، وينزل الصور اللي هيحتاجها، وطبعًا أنت تقدر تعرض صورك على الموقع، والعميل اللي هيحمل صورتك تاخد أنت نسبة من الربح بيوضحها الموقع.
وطبعًا الموقع ليه شروط في الصور اللي هترفعها عليه، أنها تكون بصيغة JPG ولا يقل حجمها عن 4 ميجا بيكسل.
وتقدر تسحب أرباحك من خلال البنك الإلكتروني «باي بال» أو «سكريل» أو شيك بيتم إرساله من خلال البريد على عنوانك، وتقدر تشترك في الموقع من خلال الرابط. https://www.shutterstock.com/
موقع imagekind
من المواقع المهمة اللي تقدر ترفع عليها صورك، ومش بس كده كمان العميل يقدر يطلب من الموقع طباعة صورتك وأنت اللي بتحدد عمولتك على الصور، سواء بمبلغ معين أو بنسبة مئوية، وتقدر تسحب أرباحك من خلال «الباي بال» أو من خلال شيك مصرفي، إليكم الرابط. http://www.imagekind.com/
موقع 123rf
الموقع بيحفظ حقوقك على الصور، وتقدر تسحب أرباحك من خلال «باي بال» أو «بايون».
تعليقات
إرسال تعليق